میئر کراچی کے انتخاب کے لیے ووٹنگ کا عمل جاری ہے، جس میں پیپلز پارٹی کے مرتضیٰ وہاب اور جماعت اسلامی کے حافظ نعیم الرحمن میں کانٹے کا مقابلہ ہے۔
تحریک انصاف نے حافظ نعیم الرحمن کی حمایت کا اعلان کیا تاہم ان کے منتخب نمائندوں پر مخالف امیدوار کو ووٹ دینے کےلیے دباؤ ڈالنے کے الزامات لگائے گئے۔
سندھ ہائی کورٹ کے احکامات پر 9 مئی واقعے کے تناظر میں گرفتار تحریک انصاف کے منتخب نمائندوں کو ووٹ ڈالنے کےلیے پولنگ اسٹیشن لایا گیا ہے۔
پی ٹی آئی امیدواروں سے ووٹ دینے کےلیے دباؤ سے متعلق سوال کیا گیا تو انہوں نے جواب دینے سے گریز کیا۔
